२१ चैत्र,

बाँके । बाँकेको नेपालगंज बाट अवैध लागुऔषध ब्राउनसुगर सहित २ जना पक्राउ परेका छन ।

पक्राउ पर्नेमा नेपालगंज १ बस्ने बर्ष २९ को सतिस कुमार सोनि र सोही ठाउँ बस्ने बर्ष २६ को आकाश बढई रहेका छन।

प्रहरीका अनुसार नेपालगंज १ विशालनगर चोक नजिकै लागुऔषध कारोबार भइरहेको छ भन्ने विशेष सुचनाको आधारमा सतिसले चलाइरहेको भे ८प ८७८ नम्बरको मोटरसाइकल रोकी चेकजांच गर्दा ५ ग्राम ७९० मिलिग्राम लागुऔषध फेला पारी दुबै जनालाई पक्राउ गरिएको हो।

यस्तै नेपालगंज उ.म.न.पा.१४ बाबुगाउँ स्थित भारतबाट अबैध रुपमा नेपाल ल्याउदै गरेको जिल्ला बाँके नेपालगंज उ.म.न.पा.१६ बस्ने ईम्रान कुरेशीले चलाएको लु ३२ प ३३२७ नं.को मोटरसाईकलमा ब्रोइलर कुखुराको मासु ६० के.जि. बरामद गरी मानिस सहित नियन्त्रणमा लिई आवश्यक कारवाहीको लागी पशु क्वारेन्टाईन कार्यालय नेपालगंज बाँकेमा प्रहरीले पठाएको छ ।